मी काय म्हणतो.. कोणाला विमान प्रवासाची आवड नाही?? आपल्यापैकी बहुतेक जणांचे एक स्वप्न असते की आयुष्यात एकदा तरी विमानाने सफर करावी. शिवाय, रोजच्या धावपळीच्या जीवनातून वेळ काढून कुठेतरी फिरायला जायचे प्लॅनिंग सगळेच करत असतात. पण वेळेअभावी किंवा बजेटमुळे बऱ्याच जणांना त्यावर पुनर्विचार करावा लागतो.
काही जणांना रोड ट्रिपची मजा घ्यायला आवडते, पण सगळ्यांनाच ते शक्य नसते. मग पर्याय उरतो तो विमान प्रवासाचा! पण जर मी तुम्हाला सांगितले की काही आंतरराष्ट्रीय प्रवास देशांतर्गत विमान तिकिटांपेक्षा स्वस्त पडू शकतो, तर?? होय, तुम्ही बरोबर वाचले! काही देश असे आहेत जिथे जाण्यासाठी भारतातल्या काही फ्लाइट्सपेक्षा कमी खर्च येतो. म्हणजेच, देशांतर्गत विमान प्रवासापेक्षा कमी किमतीत तुम्ही सरळ परदेशात फिरायला जाऊ शकता.
तर, जर तुम्हाला बजेट-फ्रेंडली परदेशवारी करायची असेल, तर तुमच्यासाठी खास १० देशांची लिस्ट तयार केली आहे. मुंबईहून या ठिकाणी कमी खर्चात विमान प्रवास करता येतो आणि हे देश तुम्हाला निसर्गसौंदर्य, समृद्ध संस्कृती आणि भन्नाट थराराचा तडका देतात! चला तर मग, स्वस्तात मस्त परदेशवारीसाठी तयारी करा.
१. थायलंड (बँकॉक, फुकेत)
थायलंड हा आशियातील सर्वात लोकप्रिय आणि बजेट-फ्रेंडली पर्यटनस्थळांपैकी एक आहे. विशेषतः बँकॉक आणि फुकेट ही दोन ठिकाणे पर्यटकांना सर्वाधिक आकर्षित करतात. बँकॉक ही थायलंडची राजधानी असून, ती तिच्या भव्य मंदिरे, नाईटलाइफ आणि स्ट्रीट फूडसाठी प्रसिद्ध आहे. ग्रँड पॅलेस, वॉट अरुण (टेंपल ऑफ डॉन) आणि वॉट फो (रीक्लाइनिंग बुद्धा टेंपल) ही येथील प्रमुख आकर्षणे आहेत. याशिवाय, बँकॉकचे फ्लोटिंग मार्केट्स, सुखुमवित रोडचे नाईट क्लब्स, आणि चाटुचक वीकेंड मार्केट खरेदीसाठी अप्रतिम आहेत. जर तुम्हाला आधुनिक आणि गजबजलेली शहरे आवडत असतील, तर बँकॉक तुमच्यासाठी परफेक्ट आहे.
दुसरीकडे, जर तुम्हाला समुद्रकिनारे, नैसर्गिक सौंदर्य आणि पार्टी लाइफ अनुभवायचे असेल, तर फुकेट हे बेस्ट डेस्टिनेशन आहे. फुकेटमध्ये तुम्ही पटोंग बीच वर मस्त एन्जॉय करू शकता किंवा फुकेट बिग बुद्धा आणि वॉट चालोंग मंदिर पाहू शकता. अडवेंचर प्रेमींसाठी येथे फी फी आयलंड, जेम्स बॉन्ड आयलंड, आणि सिमिलन आयलंड वर बोट ट्रिप्स, स्कूबा डायव्हिंग आणि स्नॉर्केलिंग करण्याचे उत्तम पर्याय उपलब्ध आहेत. फुकेटमध्ये बंगला रोड ही जगभरातील पार्टी प्रेमींसाठी प्रसिद्ध आहे, जिथे नाईटलाइफचा भन्नाट अनुभव मिळतो. थायलंडमध्ये तुम्हाला कमी बजेटमध्ये अप्रतिम ट्रिप अनुभवता येईल, मग तयारी करा आणि थायलंड एक्सप्लोर करण्यासाठी बॅग पॅक करा.
अंदाजे विमान तिकीट: ₹८,००० – ₹१२,००० (एकतर्फी)
थायलंड हे मुंबईहून सर्वात परवडणाऱ्या आंतरराष्ट्रीय ठिकाणांपैकी एक आहे. एअरएशिया आणि इंडिगो सारख्या बजेट एअरलाइन्स वारंवार उड्डाणे चालवत असल्याने, तुम्ही बँकॉकचे आनंददायी रस्ते किंवा फुकेतचे समुद्रकिनारे सहजपणे एक्सप्लोर करू शकता.
२. संयुक्त अरब अमिराती (दुबई, शारजाह, अबू धाबी)
युनायटेड अरब अमिरात (UAE) हा लक्झरी, आधुनिकता आणि सांस्कृतिक वारसा यांचा अनोखा मिलाफ असलेला देश आहे. UAE मधील दुबई, शारजाह आणि अबुधाबी ही तीन प्रमुख ठिकाणे पर्यटकांसाठी जबरदस्त आकर्षण आहेत. दुबई म्हणजे भविष्यातील शहर. येथे बुर्ज खलिफा. जगातील सर्वात उंच इमारत, दुबई मॉल, पाम जुमेराह, आणि दुबई मरीना सारखी आंतरराष्ट्रीय दर्जाची ठिकाणे आहेत. तसेच, दुबईचे डेझर्ट सफारी, गोल्ड सूक मार्केट, आणि दुबई फ्रेम पर्यटकांमध्ये खूप लोकप्रिय आहेत. नाईटलाइफ आणि लक्झरी अनुभवायचा असेल, तर दुबईपेक्षा चांगला पर्याय नाही.
दुसरीकडे, अबूधाबी ही UAE ची राजधानी असून, ती तिच्या समृद्ध संस्कृती आणि भव्यतेसाठी ओळखली जाते. येथे तुम्ही शेख झायेद ग्रँड मशिद, यास आयलंड, फेरारी वर्ल्ड, आणि म्युझियम भेट देऊ शकता. शारजाह हे UAE मधील सांस्कृतिक राजधानी मानले जाते, जिथे शारजाह आर्ट म्युझियम, शारजाह डेजर्ट पार्क, आणि अल नूर आयलंड हे विशेष आकर्षण आहेत. दुबईचा ग्लॅमर, अबूधाबीची राजेशाही आणि शारजाहचा सांस्कृतिक वारसा अनुभवण्यासाठी UAE हा परिपूर्ण ट्रॅव्हल डेस्टिनेशन आहे.
अंदाजे विमान तिकीट: ₹९,००० – ₹१४,००० (एकेरी)
एअर अरेबिया, फ्लायदुबई आणि इंडिगो सारख्या कमी किमतीत विमान तिकीट मुंबई ते दुबई आणि शारजाह सहज उपलब्ध आहेत. युएईमध्ये आलिशान अनुभव, वाळवंट सफारी आणि जागतिक दर्जाच्या खरेदीची सुविधा उपलब्ध आहे, ज्यामुळे ते बजेट फ्रेंडली उत्तम पर्याय ठरते.
३. श्रीलंका (कोलंबो)
‘हिंद महासागरातील मोती’ म्हणून ओळखले जाणारे श्रीलंका, श्रीलंका हा भारतीय उपखंडातील एक निसर्गरम्य आणि ऐतिहासिक ठिकाणांनी भरलेला देश आहे. जर तुम्हाला समुद्रकिनारे, जंगल सफारी आणि प्राचीन मंदिरे अनुभवायची असतील, तर श्रीलंका तुमच्यासाठी एक परिपूर्ण डेस्टिनेशन आहे. कोलंबो ही श्रीलंकेची राजधानी असून, येथे तुम्ही गॅले फेस ग्रीन, गंगारामाया मंदिर, आणि नेशनल म्युझियम पाहू शकता. जर तुम्हाला ऐतिहासिक वारसा अनुभवायचा असेल, तर सिगिरिया रॉक फोर्ट्रेस आणि पोलोन्नारुवा ही युनेस्को जागतिक वारसा स्थळे तुमच्या लिस्टमध्ये असायलाच हवीत.
जर तुम्हाला निसर्गाच्या सान्निध्यात राहायचे असेल, तर एला आणि नुवारा एलिया ही पर्वतीय ठिकाणे तुमच्यासाठी बेस्ट आहेत. येथे तुम्ही सीता मंदिर, लिटल अ‍ॅडम्स पीक, आणि रावण फॉल्स पाहू शकता. समुद्रकिनाऱ्यांचा आनंद घ्यायचा असेल, तर मिरिस्सा, उना वातुना आणि बेंटोटा हे सुंदर बीचेस तुमची वाट पाहत आहेत. तसेच, याला नॅशनल पार्क आणि उडवाला सफारी येथे तुम्हाला हत्ती, बिबटे आणि इतर वन्यजीव पाहायला मिळतात. कमी बजेटमध्ये सुंदर समुद्रकिनारे, डोंगर, ऐतिहासिक वास्तू आणि स्वादिष्ट श्रीलंकन जेवणाचा आनंद घ्यायचा असेल, तर श्रीलंका हा परिपूर्ण पर्याय आहे.
अंदाजे भाडे: ₹१०,००० – ₹१५,००० (एकतर्फी)
मुंबईहून २.५ तासांच्या विमान प्रवासात, कोलंबो समुद्रकिनारे, चहाच्या बागा आणि समृद्ध सांस्कृतिक वारसा पाहायला मिळतो. तर मग श्रीलंका एकदा तरी नक्कीच प्लॅन करा.
४. नेपाळ (काठमांडू)
नेपाळ हा भारतीय उपखंडातील एक निसर्गरम्य आणि आध्यात्मिक देश आहे. जगातील सर्वात उंच शिखर माऊंट एव्हरेस्ट याच भूमीत असल्याने, ट्रेकिंग आणि अ‍ॅडव्हेंचर प्रेमींसाठी हे स्वर्गासमान ठिकाण आहे. राजधानी काठमांडू ही ऐतिहासिक मंदिरे, प्राचीन स्तूप आणि संस्कृतीने नटलेले शहर आहे. येथे तुम्ही पशुपतिनाथ मंदिर, स्वयंभूनाथ स्तूप (मंकी टेंपल) आणि बौधनाथ स्तूप यांसारखी सुंदर ठिकाणे भेट देऊ शकता.
जर तुम्हाला ट्रेकिंग आणि निसर्गाची मजा घ्यायची असेल, तर पोखरा हे स्वर्गीय ठिकाण तुमच्यासाठी बेस्ट आहे. फेवा लेक, देवीस फॉल्स, सरंकॉट व्ह्यू पॉइंट, आणि अन्नपूर्णा बेस कॅम्प ट्रेक ही येथे विशेष आकर्षणे आहेत. अ‍ॅडव्हेंचर प्रेमींसाठी चितवन नॅशनल पार्क हा उत्तम पर्याय आहे, जिथे तुम्हाला हत्ती सफारी, बिबटे आणि गेंडे पाहायला मिळतात. कमी खर्चात हिमालयाच्या कुशीत निसर्ग, अध्यात्म आणि साहस यांचा आनंद घ्यायचा असेल, तर नेपाळ तुमच्यासाठी परिपूर्ण डेस्टिनेशन आहे.
अंदाजे विमान तिकीट: ₹८,००० – ₹१२,००० (एकतर्फी)
नेपाळ हे ट्रेकर्स आणि निसर्गप्रेमींसाठी निव्वळ स्वर्ग आहे. नेपाळ एअरलाइन्स आणि इंडिगो द्वारे चालवल्या जाणाऱ्या विमानांमुळे, ते मुंबईहून सर्वात स्वस्त आंतरराष्ट्रीय ठिकाणांपैकी एक आहे. आणि नेपाळ ला आजकाल स्वतःची गाडी घेऊन जायचा ट्रेंड देखील आला आहे. जर तुमच्याकडे पुरेसा वेळ असेल तर नेपाळ ची रोडट्रीप एकदा माराच.
५. मलेशिया (क्वालालम्पूर)
मलेशिया हा आशियातील सर्वाधिक लोकप्रिय आणि बजेट-फ्रेंडली ट्रॅव्हल डेस्टिनेशन्सपैकी एक आहे. येथील भव्य शहरे, सुंदर समुद्रकिनारे, घनदाट जंगलं आणि स्वादिष्ट स्ट्रीट फूड हे पर्यटकांना आकर्षित करतात. क्वालालंपूर ही मलेशियाची राजधानी असून, येथे तुम्ही पेट्रोनास ट्विन टॉवर्स, बाटू केव्ह्स, मेनारा KL टॉवर, आणि मर्लियन पार्क भेट देऊ शकता. शॉपिंगसाठी बुकिट बिंटांग आणि चायना टाउन मार्केट हे बेस्ट ठिकाणं आहेत.
जर तुम्हाला निसर्गसौंदर्य आणि बीच लाइफ अनुभवायचं असेल, तर लंगकावी, पेनांग आणि पेरहेंतियन आयलंड्स हे बेस्ट पर्याय आहेत. लंगकावी मध्ये स्काय ब्रिज, कुहा केव्ह्स, आणि सुंदर बीचेस आहेत. अ‍ॅडव्हेंचर प्रेमींसाठी तमन नेगारा रेनफॉरेस्ट आणि कॅमरून हायलँड्स येथे जंगल सफारी आणि ट्रेकिंग करता येते. जर तुम्हाला बजेटमध्ये आशियातील सर्वात भारी शहरी आणि निसर्गरम्य अनुभव घ्यायचा असेल, तर मलेशिया हा एक उत्तम पर्याय आहे
अंदाजे विमानाचे तिकीट: ₹९,००० – ₹१३,००० (एकेरी)
क्वालालम्पूरमध्ये आधुनिक उंचच उंच इमारती आहेत, अगदी वर बघताना डोक्यावरची टोपी पडेल. त्याच बरोबर शॉपिंग मॉल्स आणि पर्यटकांनी गजबजलेले स्ट्रीट आणि त्यावरचे अस्सल फूड उपलब्ध आहे.
६) ओमान (मस्कत)
ओमान हा मध्यपूर्वेतील एक सुंदर देश असून, येथे तुम्हाला अरबी संस्कृतीचा श्रीमंत वारसा, भव्य डोंगररांगा आणि नयनरम्य समुद्रकिनारे अनुभवायला मिळतात. ओमानची राजधानी मस्कट ही स्वच्छ, शांत आणि ऐतिहासिक वारसा जपणारे शहर आहे. येथे तुम्ही सुलतान काबूस ग्रँड मशिद, मुत्त्राह सुक, आणि रॉयल ऑपेरा हाऊस या प्रमुख आकर्षणांना भेट देऊ शकता. समुद्रकिनाऱ्यावर आराम करायचा असेल, तर कुरुम बीच आणि अल बुस्तान बीच सर्वोत्तम पर्याय आहेत.
ओमानमध्ये निसर्गप्रेमींसाठी देखील खूप काही आहे! वाडी शब आणि वाडी बाणी खालिद ही नैसर्गिक ओअ‍ॅसिस आहेत, जिथे तुम्ही सुंदर निळसर पाण्याच्या डबक्यांमध्ये पोहण्याचा आनंद घेऊ शकता. तसेच, जबल अखदार आणि जबल शम्स (अरबियाचा ग्रँड कॅनियन) येथे ट्रेकिंगसाठी उत्तम संधी आहे. वाळवंटातील रोमांचक अनुभवासाठी वाहीबा सँड्स येथे डेझर्ट सफारी करायला विसरू नका. पारंपरिक अरब संस्कृती, आधुनिक शहर आणि नैसर्गिक सौंदर्य यांचा अनोखा मेळ घ्यायचा असेल, तर ओमान तुमच्यासाठी एक परिपूर्ण डेस्टिनेशन आहे
अंदाजे भाडे: ₹१०,००० – ₹१४,००० (एकतर्फी)
ओमान हे मध्य पूर्वेतील एक अतिशय सुंदर ठिकाण आहे, माझं पटत नसेल तर गूगल वर जाऊन आटा फोटो बघून घ्या. जिथे निखळ समुद्रकिनारे, उंच पर्वत आणि सांस्कृतिक ठिकाणे आहेत. तर अश्या या हटके डेस्टिनेशला तर भेट द्यायलाच हवी.
७) कतार दोहा
कतार हा मध्यपूर्वेतील सर्वात विकसित आणि समृद्ध देशांपैकी एक आहे. त्याची राजधानी दोहा ही आंतरराष्ट्रीय दर्जाच्या गगनचुंबी इमारती, लक्झरी शॉपिंग आणि सांस्कृतिक वारशासाठी प्रसिद्ध आहे. जर तुम्हाला मॉडर्न स्कायलाईन आणि पारंपरिक अरब संस्कृती यांचा परिपूर्ण मिश्रण अनुभवायचे असेल, तर दोहा तुमच्यासाठी बेस्ट डेस्टिनेशन आहे. येथे तुम्ही सौक वाकिफ, कटारा कल्चरल व्हिलेज, आणि इस्लामिक आर्ट म्युझियम पाहू शकता. याशिवाय, दोहा कॉर्निश हा समुद्रकिनाऱ्यावरचा सुंदर वॉकवे आहे, जिथून तुम्ही शहराचा अप्रतिम नजारा पाहू शकता.
अ‍ॅडव्हेंचर आणि लक्झरी प्रेमींसाठी इनलँड सी डेझर्ट सफारी, द पर्ल-कतार (लक्झरी आइलंड), आणि व्हिलाजिओ मॉल हे प्रमुख आकर्षण आहेत. कतारमध्ये FIFA विश्वचषक 2022 आयोजित झाल्याने येथील स्पोर्ट्स इंफ्रास्ट्रक्चरही जागतिक दर्जाचे आहे. जर तुम्हाला कमी वेळात मध्यपूर्वेतील लक्झरी आणि पारंपरिक संस्कृतीचा अद्भुत अनुभव घ्यायचा असेल, तर कतार आणि दोहा तुमच्यासाठी परिपूर्ण पर्याय आहे!
अंदाजे विमानाचे तिकीट भाडे: ₹११,००० – ₹१५,००० (एकतर्फी)
दोहा त्याच्या आधुनिक राहणीमान आणि निसर्ग, सांस्कृतिक आकर्षणे आणि वाळवंटातील लँडस्केपसाठी ओळखले जाते.
८. व्हिएतनाम (हनोई, हो ची मिन्ह सिटी)
व्हिएतनाम हा आशियातील सर्वाधिक बजेट-फ्रेंडली आणि विविध अनुभव देणारा देश आहे. येथे तुम्हाला सुंदर समुद्रकिनारे, प्राचीन मंदिरे, डोंगराळ प्रदेश आणि जगप्रसिद्ध स्ट्रीट फूडचा आनंद घेता येतो. राजधानी हनोई ही ऐतिहासिक आणि सांस्कृतिक वारशाने समृद्ध असून, येथे तुम्ही हो चि मिन्ह म्युझियम, ट्रान क्वोक पॅगोडा, आणि हनोई ओल्ड क्वार्टर पाहू शकता. जर तुम्हाला अप्रतिम निसर्गसौंदर्य अनुभवायचे असेल, तर UNESCO जागतिक वारसा स्थळ हालन बे येथे क्रूझ ट्रिप करून निसर्गरम्य बेटांचा आनंद घ्या.
दक्षिण व्हिएतनाममध्ये हो चि मिन्ह सिटी (सायगॉन) हे आणखी एक गजबजलेले शहर आहे, जिथे तुम्ही नोट्रे डेम कॅथेड्रल, बेन टॅन मार्केट, आणि कु ची टनेल्स अनुभवू शकता. जर तुम्हाला शांत आणि सुंदर समुद्रकिनाऱ्यांवर सुट्टी घालवायची असेल, तर दानांग, फु क्वोक आयलंड, आणि न्हा ट्रांग ही उत्तम ठिकाणे आहेत. शिवाय, सापा आणि दालात ही डोंगराळ पर्यटनस्थळे ट्रेकिंग आणि नैसर्गिक सौंदर्यासाठी प्रसिद्ध आहेत. कमी बजेटमध्ये अप्रतिम अडवेंचर, स्वादिष्ट अन्न आणि ऐतिहासिक वारसा व्हिएतनाम शिवाय अजून कुठे मिळणार.
अंदाजे विमान तिकीट भाडे: ₹१२,००० – ₹१८,००० (एकतर्फी)
विदेशी लँडस्केप आणि स्वादिष्ट अन्न प्रेमीं आणि बजेट प्रवाशांसाठी व्हिएतनाम हा एक उत्तम पर्याय आहे.
९. इंडोनेशिया (बाली, जकार्ता)
इंडोनेशिया हा जगातील सर्वात मोठ्या बेटसमूहांपैकी एक असून, तो १७,००० हून अधिक बेटांनी बनलेला आहे. येथे तुम्हाला अप्रतिम समुद्रकिनारे, प्राचीन मंदिरे, ज्वालामुखी, आणि समृद्ध संस्कृती अनुभवायला मिळते. बाली हे इंडोनेशियातील सर्वात प्रसिद्ध पर्यटनस्थळ आहे, जिथे तुम्ही सुंदर समुद्रकिनारे, योगा रिट्रीट्स आणि भव्य मंदिरे पाहू शकता. उलुवाटू टेम्पल, तिरता गंग्गा, टॅनाह लोट आणि टेगालालंग राईस टेरेस ही बालीतील प्रमुख आकर्षणं आहेत. बीच लव्हर्ससाठी सेमिन्याक, कूटा आणि नुसा पेनिडा हे बेस्ट पर्याय आहेत.
जर तुम्हाला मोठ्या शहरांचा अनुभव घ्यायचा असेल, तर जकार्ता ही राजधानी तुमच्यासाठी योग्य आहे. येथे मोनेन्युमेंट (राष्ट्रीय स्मारक), अनकोल बीच, आणि ग्लोडोक (चायना टाउन) ही ठिकाणं पाहायला मिळतात. अ‍ॅडव्हेंचर प्रेमींसाठी कोमोडो आयलंड, जिथे तुम्हाला जगप्रसिद्ध कोमोडो ड्रॅगन पाहायला मिळतो, आणि बोरबुदुर आणि प्रांबनन मंदिरे ही ऐतिहासिक स्थळं उत्तम पर्याय आहेत. इंडोनेशिया हा नैसर्गिक सौंदर्य, अ‍ॅडव्हेंचर आणि संस्कृती यांचा परिपूर्ण सुंदर संगम आहे. त्यामुळे जर तुम्हाला एक वेगळा आणि सुंदर प्रवास अनुभवायचा असेल, तर इंडोनेशिया तुमच्या बकेट लिस्टमध्ये असायलाच हवा.
अंदाजे विमान भाडे: ₹१२,००० – ₹२०,००० (एकतर्फी)
एअरएशिया आणि मालिंडो एअर द्वारे स्वस्त आणि मस्त उड्डाणे उपलब्ध असल्याने, इंडोनेशिया हे समुद्रकिनारे, मंदिरे आणि नाईटलाइफ असलेले एक उत्कृष्ट बजेट-फ्रेंडली ठिकाण आहे. आणि त्याच मुले जगभरातील पर्यटकांचा ओढा इकडे असतो.
१०. सिंगापूर
सिंगापूर हा आशियातील सर्वात विकसित आणि आधुनिक देशांपैकी एक आहे. छोट्या भूभागावर अनेक उत्तम आकर्षणं, स्वच्छ रस्ते, उत्तम पब्लिक ट्रान्सपोर्ट आणि जागतिक दर्जाचे फूड ऑप्शन्स हे सिंगापूरचं खास वैशिष्ट्य आहे. येथे तुम्ही मरीना बे सँड्स, गार्डन्स बाय द बे, आणि सिंगापूर फ्लायर यांसारख्या अत्याधुनिक स्थळांना भेट देऊ शकता. मर्लायन स्टॅच्यू हे सिंगापूरचं प्रसिद्ध लँडमार्क आहे, जिथून शहराचा अप्रतिम व्ह्यू पाहता येतो.
पर्यटनासाठी सेंटोसा आयलंड हे बेस्ट ठिकाण आहे, जिथे युनिव्हर्सल स्टुडिओज, अ‍ॅडव्हेंचर कोव वॉटरपार्क, आणि सिलोस बीच आहेत. नाईटलाइफसाठी क्लार्क क्वे, तर शॉपिंगसाठी ऑर्चर्ड रोड आणि चायना टाउन हे सर्वोत्तम पर्याय आहेत. जर तुम्हाला निसर्ग अनुभवायचा असेल, तर सिंगापूर झू, नाईट सफारी, आणि ज्युरॉन्ग बर्ड पार्क नक्की बघा. स्वच्छता, सुरक्षितता, डोळे फिरवणारी आर्किटेक्चर आणि अप्रतिम स्ट्रीट फूड यासाठी सिंगापूर एक परिपूर्ण डेस्टिनेशन आहे बघा.
अंदाजे विमानाचे तिकीट: ₹११,००० – ₹१७,००० (एकेरी)
सिंगापूर हे एक चांगले मध्यवर्ती आणि सर्वांगीण भौगोलिक परीस्थीने जगाला जोडलेले ठिकाण आहे. आणि त्याच मुळे सिंगापूर एक अतिशय रोमँटिक आणि सुंदर आहे.
तर मंडळी, मी माझ्या ट्रिपसाठी जो प्लॅन केला आहे, तो मी इथे शेअर केला आहे, तुम्ही तो पाहू शकता. अशाच प्रकारे वर दिलेल्या १० देशांची संपूर्ण माहिती येथे दिली आहे. मी काय म्हणतो, जर तुम्हीही तुमच्या पुढच्या ट्रिपचे नियोजन करत असाल, तर या देशांचा विचार नक्की करा. प्रत्येक ठिकाणाचे वैशिष्ट्य, खर्च, स्वस्त विमान तिकीट, राहण्याच्या सोयी आणि अनुभव यांचा विचार करून तुमच्या बजेटमध्ये बसणारी आणि मनसोक्त फिरता येईल अशी ट्रिप प्लॅन करा. शेवटी, प्रवास हा अनुभव आणि आठवणी गोळा करण्यासाठी असतो.
तुमची पुढची ड्रीमहोलिडे कुठे असेल? कमेंटमध्ये नक्की सांगा..
स्वस्त विमानतिकिटे बुक करण्यासाठी काही भन्नाट टिप्स:
- आगाऊ/ऍडव्हान्स बुकिंग करा: साधारणतः १ ते ३ महिने आधी तिकीट बुक केल्यास स्वस्त दरात तिकीट मिळू शकते.
- विमान तिकीट दाराची तुलना करण्यासाठी इतर प्लॅटफॉर्म वापरा: इंटरनेट वर अनेक वेबसाइट्स दर निश्चित करण्यासाठी तुलना करून देतात. यांसारख्या वेबसाइट्सवर तिकिटांच्या किमतींची तुलना करा आणि सर्वोत्तम डील मिळवा.
- बजेट एअरलाइन्स शोधा: बऱ्याच एरलाईन्स अश्या आहेत ज्या खूपच कमी दरात चांगली सुविधा देतात, यांसारख्या कमी खर्चाच्या एअरलाइन्सना प्राधान्य द्या.
- ऑफ-पीक सीझनमध्ये प्रवास करा: सुट्टीचा हंगाम आणि वीकेंडला प्रवास महाग असतो. शक्यतो मिड-वीक किंवा ऑफ-सीझनमध्ये तिकिटे स्वस्त मिळतात.
- पर्यायी विमानतळांचा विचार करा: मुख्य विमानतळाऐवजी जवळच्या पर्यायी विमानतळावर उतरणे कधी कधी स्वस्त ठरते. तर अशी विमानतळे गूगल मॅप वापरून आधीच तपासून बघा.
काही खास टिप:
- बुकिंग करताना इन्कॉग्निटो मोड वापरा: काहीवेळा वारंवार विमान दर चेक केल्यामुळे तिकीटांचे दर वाढतात, त्यामुळे ब्राऊजरचा इन्कॉग्निटो मोड वापरा.
- लॉयल्टी प्रोग्रॅम्सचा फायदा घ्या: क्रेडिट कार्ड रिवॉर्ड्स किंवा एअरलाइन पॉईंट्स वापरून तिकीटांवर सवलत मिळवता येते.
- तुमच्या नियोजन लवचिक ठेवा: जर प्रवासाच्या तारखांमध्ये लवचिकता असेल, तर स्वस्त तिकीट मिळण्याची शक्यता जास्त असते.
याच टिप्स लक्षात ठेवून प्लॅनिंग करा आणि तुमची पुढची भन्नाट परदेशवारी आजच ठरवा.